Psa 122 | YON | STEP | Daane kawini ye yook Dewidbed wongkoon. “ Yariman yambib yaa wenem.” anduwiwen kuu ne kuu kubi darewoob keraan.

Psalms 122

Yook 122

Daane kawini ye yook Dewidbed wongkoon.

1 “Yariman yambib yaa wenem.” anduwiwen kuu
ne kuu kubi darewoob keraan.
2 O Yerusalem, kibireb kee nub kuu
kub kuuk ambongko aom doruub.
3 Yerusalem siti yenbiwen kuu
kande kobkokmo kande daboknenib yenbiwen.
4 Israeldan yi amyenimbon korem kuu kumaom daane winimaib,
Yariman ye amyenimbon kui.
Yi kuuYariman yaa eso andande daane winimaib,
Israeldan yi dowad amob weng ongmoon yaambed.
5 Kedi, kwarimbed dibere wengyundimbon kuu dangoon,
Dewid ye awoya arimbed dibere oonimbon kui.
6 Yerusalem aom iwari yewenubmo keri dowad kurikuri kerime, kekane yedmime,
“Kane kane kub yaa mimyob dowaken kowimaib yaa kuu yiminmo kerundok.
7 Kub siti kuuk aom kuu iwari yewenuwiib kerok.
Kub korok korok yi ambibbon aom kuu yiminmo dobiriyiib kerundok.” andime.
8 Ne karubkimiib nangkodmiayiib yi dowadbed
kwane dakmaniin, “Kub aom kuu iwari yewenubmo kerok.” andaniin.
9 Yariman nub God ye ambib ye dowadbed
ne kuu kub yiminmo dobere andi kiwaan onmaniin.